Woelwaters

Toe Laerskool Nahoon ontstaan het, was daar net ‘n Gr. R-klas. In 1995 het Nahoon besluit om met ‘n Kleutergroepie te begin. Die klas het toe bestaan uit 3-jariges tot 5-jariges in een klassie. Mev. Hanri Niit is aangestel as leerkrag, met Rosy as helper. Die getalle het so toegeneem dat ons die klassie in 2005 in twee gedeel het nl. 2 tot 3-jariges onder leiding van Mev Annatjie Delport.

 

Woelwater 2: (4-jariges): Me Carla Nortier

Die Woelwater 2-klassie is in 2005 begin data tons ‘n behoefte ontstaan het vir nog ‘n klas vir die jonger kinders. Daar is tans 21 woelwaters in die klassie onder leiding van Me Carla Nortier. Ons volg ‘n weeklikse tema waar daar verskillende aktiwiteite, uitstappies, liedjies, ens. Rondom die tema aangebied word. Daar word lekker gespeel, gelag en natuurlik hard geleer sonder dat die kinders dit eers agterkom. Ons streef ook daarna om goeie godsdienstige beginsels vas te le om die woelwaters in hul totaliteit te ontwikkel. Ons wil graag gelukkige en tevrede kinders he. Ander aktiwiteite wat aangebied word tydens skooltyd sluit in: Minigym, ballet, kindermusik, swem en karate.

Woelwater 3: (5-jariges): Me Suzette Weitsz & Me Annatjie Delport

Die Woelwater 3-klas is vir 5-jariges. Daar is tans 25 kinders in hierdie klas. ‘n Daaglikse prograg word stiptelik gevolg en elke week word ‘n ander tema behandel. Daar word speel-speel in die klas geleer. Die kleutes word gelei om sosiaal te ontwikkel. Hul kreatiwiteit word goed ontwikkel deur die kreatiewe werk wat ons elke dag doen. Daaronder val verf, knip , plak, skeur, teken, kleiwerk en nog vele meer. Op emosionele vlak streef ons daarna om gelukkige en glimlaggende kleuters te he wat lekker kan saam lag, speel en werk. Fisiese ontwikkeling vind buite plaas. Hier word die kinders geleer om te klim en klouter, fiets te ry en balvaardighede word aangeleer. Ander aktiwiteite wat aangebied word tydens skooltyd sluit in: Minigym, ballet, kindermuzik, swem en karate.

Dagprogram van die Woelwater 2-klas is soos volg:



  • 07:00-08:00 – Aankoms en vryspel

  • 08:00-08:30 – Legkaart bou

  • 08:30-08:45 – Toiletroetine

  • 08:45-09:15 – Oggendkring (Bybel, register, weer, temabespreking)

  • 09:15-10:00 – Kreatiewe aktiwiteite (Temaverwante aktiwiteite)

  • 10:00-10:30 – Toiletroetine / Hande was / Eet

  • 10:30-11:15 – Buitespel (fietsry / swaai / klim en klouter / sandspel & waterspel)

  • 11:15-11:30 – Toiletroetine

  • 11:30-12:00 – Storietyd en liedjies

  • 12:00 – Verdaag

Dagprogram van die Woelwater 3-klas is soos volg:



  • 07:00-08:15 – Aankoms en vryspel

  • 08:15-08:40 – Legkaart bou

  • 08:40-08:50 – Toiletroetine

  • 08:50-09:10 – Oggendkring (Bybel, register, weer, temabespreking)

  • 09:10-09:50 – Kreatiewe aktiwiteite (Temaverwante aktiwiteite)

  • 09:50-10:00 – Toiletroetine / Hande was

  • 10:00-10:30 – “Happie-tyd”

  • 10:30-11:15 – Vryspel – buite (fietsry / swaai / klim en klouter / sandspel & waterspel)

  • 11:15-11:25 – Toiletroetine

  • 11:25-11:45 – Musiek / Tweede kring

  • 11:45-12:00 – Stilspel / Storietyd

  • 12:00 – Verdaag

woelwaters3-1
preschool
kids_happy
 

Ons volg elke week ‘n tema en maak dan ons skeppende aktiwiteit vir die week daarvolgens. Ons skeur en plak, verf, speel klei en nog vele meer. Buite het ons ons eie speelgrond en sandput. Ons kan hier na hartelus klim en klouter, fietsie ry en bal speel. Vanaf die derde kwartaal begin die 3-jariges knip met ‘n sker en ook legkaarte van vier of meer stukke word gebou. Die hoogtepunt van elke dag is as ons sing en storie luister. Die klas is maar net weer ‘n bewys dat elke klein woelwater sy eie persoonlikheid het en dat ons dit hier verder ontwikkel in baie selfversekerde klein mensies.

Nahoon Skool - Woelwaters

Graad R: (6-jariges): Me Hanri Niit en Me Petro van der Walt

Ons werk hard en lekker in graad R. Nuwe vaardighede word deurgaans aangeleer en geassesseer om te verseker dat al die leerders gereed is om na graad 1 toe te gaan aan die einde van die jaar. Ons volg ‘n vasgestelde kurrikkulum en gebruik die “Alles-in-Een” –reeks te temas. Die leerders gaan ook 1 keer per week “Playball” en rekenaars toe. Die kind word as ‘n geheel ontwikkel in graad R. Daar word klem gele op groot-motoriese, klein –motoriese , kognitiewe , perseptuele, emosionele , sosiale en spraakvaardighede. Die leerders is geweldig ywerig en leergierig en al die leer vind speel – speel plaas. Tog is die struktuur en roetine al ‘ n bietjie meer formeel om te help om hulle voor te brei vir die ‘groot’ skool!

reading